కోఠీ ఆసిఫియా ప్యాలెస్ ను లీజుకివ్వడం సరికాదు

కోఠీ ఆసిఫియా ప్యాలెస్ ను లీజుకివ్వడం సరికాదు
Jun 17, 2018
 Nizam's kin question lease of Koti Asifia Palace - Sakshi
నిజాం ఆస్తిని ప్రభుత్వం ఎలా లీజుకిస్తుంది?

హైకోర్టులో ఏడో నిజాం మునిమనుమరాలి పిటిషన్‌ 

సాక్షి, హైదరాబాద్‌: రంగారెడ్డి జిల్లా, అల్వాల్‌లో ఏడో నిజాం నవాబ్‌ సర్‌ మీర్‌ ఉస్మాన్‌ మీర్‌ అలీఖాన్‌ బహదూర్‌కు చెందిన 28.48 ఎకరాల్లో ఉన్న ప్యాలెస్‌ను లీజుకివ్వడాన్ని సవాల్‌ చేస్తూ ఏడో నిజాం మునిమనుమరా లు ప్రిన్సెస్‌ షఫియా సకినా రాష్ట్ర ప్రభుత్వంపై న్యాయ పోరాటం ప్రారంభించారు. ఏడాదికి రూపాయి చొప్పు న 99 ఏళ్ల పాటు భారతీయ విద్యాభవన్‌కిచ్చిన లీజును రద్దు చేసి ఆ ప్యాలెస్‌ను తనకు స్వాధీనం చేసేలా ఆదేశాలు జారీ చేయాలని కోరుతూ ఆమె హైకోర్టులో పిటి షన్‌ దాఖలు చేశారు.

ఇందులో కేంద్ర హోంశాఖ కార్యదర్శి, ప్రభుత్వ సీఎస్, భారతీయ విద్యాభవన్‌ ప్రెసిడెం ట్, డిఫెన్స్‌ ఎస్టేట్‌ ఆఫీసర్లను ప్రతివాదులుగా పేర్కొన్నారు. హైదరాబాద్‌ విలీనం తరువాత తమ ఆస్తుల జాబితాను కేంద్ర హోంశాఖకు ఏడో నిజాం సమర్పించారని, వాటిని అనుభవించేందుకు కేంద్రం అనుమతించిందని ఆమె తెలిపారు.

ఏడో నిజాం ఆస్తుల వివరాలు ‘బ్లూ బుక్‌’లో స్పష్టంగా ఉన్నాయన్నారు. వీటిపై ప్రభుత్వానికి ఎలాంటి హక్కులు లేవన్నారు. ఇలాంటి ఆస్తుల్లో అల్వాల్‌ సర్వే నంబర్‌ 157లో ఉన్న కోఠీ ఆసీఫియా ప్యాలెస్‌ కూడా ఒకటని, ఇది 28.48 ఎకరాల్లో విస్తరించి ఉందన్నారు. కంటోన్మెంట్‌ రిజిస్టర్‌లో ఈ ఆస్తి నిజాం ఆస్తిగానే రాసి ఉందన్నారు.

చట్ట ప్రకారం విలువ లేని లీజ్‌ ఇది...
ఏడో నిజాం చనిపోయిన తరువాత వారసుల మధ్య ఆస్తి వివాదాలు తలెత్తాయని, దీంతో అల్వాల్‌లోని ప్యాలెస్‌ను ఎవరూ స్వాధీనం చేసుకోలేదని తెలిపారు. ఇదిలా ఉండగా ఆంధ్రప్రదేశ్‌ ప్రభుత్వం 1981లో ఆ ప్యాలెస్‌ను భారతీయ విద్యాభవన్‌కు 99 ఏళ్ల పాటు ఏడాదికి రూపాయి చొప్పున లీజుకు ఇచ్చిం దని ఆమె వివరించారు. 11 నెలల్లోపు రిజిస్టర్‌ కావాల్సిన ఈ లీజు డీడ్‌ ఆ లోపు రిజిస్టర్‌ కాలేదని, అందువల్ల దానికి చట్ట ప్రకారం విలువ లేదన్నారు.

లీజుకు తీసుకున్న ప్యాలెస్‌లో వాణిజ్య కార్యకలాపాలు నిర్వహించేందుకు నిర్వాహకులు ప్రయత్నిస్తున్నారని ఆమె వివరించారు. ఇప్పటికే భారతీయ విద్యాభవన్‌ నిర్వాహకులు ఆ ప్యాలెస్‌ అందాన్ని చెడగొట్టారని, అద్భుతమైన ఫర్నిచర్‌ను ధ్వంసం చేశారని తెలిపారు. ఆ భవనాన్ని స్వాధీనంలో ఉంచుకుని వాడుకుంటున్నందుకు నెలకు రూ.25 లక్షలను డిపాజిట్‌ చేసేలా కూడా ఆదేశాలు జారీ చేయాలన్నారు. 



నిజాం ఆస్తి ప్రైవేటు సంస్థకా!
Jun 19, 2018, 01:38 IST
 Nizam's property is to the private company! - Sakshi
నిజాం మునిమనుమరాలి పిటిషన్‌పై హైకోర్టు

కేంద్ర, రాష్ట్ర ప్రభుత్వాలకు నోటీసులు

సాక్షి, హైదరాబాద్‌: ఏడో నిజాం నవాబ్‌ సర్‌ మీర్‌ ఉస్మాన్‌ అలీఖాన్‌ బహదూర్‌ మునిమనుమరాలు షఫియా సకినా దాఖలు చేసిన పిటిషన్‌పై హైకోర్టు స్పందించింది. రంగారెడ్డి జిల్లా అల్వాల్‌లోని 28.48 ఎకరాల్లో ఉన్న ప్యాలెస్‌ను ఏడాదికి రూ.1 చొప్పున 99 ఏళ్లపాటు భారతీయ విద్యాభవన్‌కు లీజుకివ్వడాన్ని సవాలుచేస్తూ ఆమె కోర్టును ఆశ్రయించిన విషయం తెలిసిందే. నిజాం ఆస్తిని భారతీయ విద్యాభవన్‌కు లీజుకెలా ఇచ్చారో వివరణ ఇవ్వాలంటూ కేంద్ర హోంశాఖ కార్యదర్శి, రాష్ట్ర ప్రభుత్వ ప్రధాన కార్యదర్శి, భారతీయ విద్యాభవన్‌ ప్రెసిడెంట్, డిఫెన్స్‌ ఎస్టేట్‌ ఆఫీసర్లకు కోర్టు నోటీసులు జారీ చేసింది. వివరాలతో కౌంటర్లు దాఖలు చేయాలంటూ తదుపరి విచారణను 3 వారాలకు వాయిదా వేసింది. ఈ మేరకు న్యాయమూర్తి జస్టిస్‌ ఆకుల వెంకటశేషసాయి సోమవారం ఉత్తర్వులు జారీ చేశారు.

భారతీయ విద్యాభవన్‌కు ఇచ్చిన లీజును రద్దు చేసి ఆ ప్యాలెస్‌ను తనకు స్వాధీనం చేసేలా ఆదేశాలు జారీ చేయాలని కోరుతూ షఫియా సకినా హైకోర్టులో వేసిన పిటిషన్‌ను జస్టిస్‌ శేషసాయి విచారించారు. పిటిషనర్‌ తరఫు న్యాయవాది ప్రభాకర్‌ శ్రీపాద వాదనలు వినిపిస్తూ నిజాం ఆస్తులపై ప్రభుత్వానికి హక్కు లేదన్నారు. అల్వాల్‌ సర్వే నం.157లో 28.48 ఎకరాల్లో విస్తరించి ఉన్న కోఠీ ఆసీఫియా ప్యాలెస్‌ను ప్రభుత్వం 1985లో భారతీయ విద్యాభవన్‌కు లీజుకిచ్చిందన్నారు. 

నిజాంకు చెందిన ప్రైవేటు ఆస్తిని ప్రభుత్వం ఓ ప్రైవేటు సంస్థకు లీజుకివ్వడం విస్మయం కలిగిస్తోందన్నారు. 11 నెలల గడువులోగా ఈ లీజుడీడ్‌ రిజిస్టర్‌ కానందున, దీనికి చట్ట ప్రకారం ఎటువంటి విలువ లేదన్నారు. వాదనలను పరిగణనలోకి తీసుకున్న న్యాయమూర్తి ప్రతివాదులకు నోటీసులు జారీ చేశారు.